விக்கிரவாண்டி தாலுகா, கொய்யாதோப்பு, பாத்திமா நகர் பகுதியில் வெள்ள பாதிப்படைந்த மக்களுக்கு நிவாரணம் வழங்க கோரியும், பம்பை ஆற்றிலுள்ள ஆக்கிரமிப்புகளை அகற்றி, துார் வாரி சீரமை க்க கோரியும் நேற்று காலை 8.30 மணியளவில், விழுப்புரம் -செஞ்சி சாலையில் அப்பகுதியை சேர்ந்த பொது மக்கள் சாலை மறியில் போராட்டம் நடத்தினர்.

இதுபற்றி தகவலறிந்த மாவட்ட சேர்மன் ஜெயச்சந்திரன், தாசில்தார் யுவராஜ் உள்ளிட்டவர்கள் சாலை மறியலில் ஈடுபட்டவர்களிடம் பேச்சு வார்த்தை நடத்தினர் .

கோரிக்கைகளை நிறைவேற்றி தருவதாக உறுதி கூறியதன் பேரில் காலை 11.30 மணிக்கு சாலை மறியல் விலக்கி கொள்ளப்பட்டது. இதனால் அப்பகுதியில் போக்குவரத்து 3 மணி நேரம் பாதிப்பு ஏற்பட்டது.

மறியல் காரணமாக செஞ்சி செல்லும் பஸ், லாரி உள்ளிட்ட வாகனங்கள் முண்டியம்பாக்கம், லட்சுமிபுரம் வழியாக செஞ்சிக்கு திருப்பி விடப்பட்டன.