விழுப்புரம் நகரில் காவல்துறை சார்பில், முக்கிய சாலைகள், சந்திப்புகளில் சி.சி.டி.வி., கேமரா அமைத்து கண்காணிக்க திட்டமிடப்பட்டுள்ளது.

இந்த கேமரா பதிவுகள் கேபிள்கள் மூலம் ஒருங்கிணைத்து கண்காணிக்க விழுப்புரம் பெருந்திட்ட வளாக நுழைவு வாயில் பகுதியில் உள்ள காலி இடத்தில் கண்காணிப்பு மையம் கட்டும் பணிகள் நடந்து வந்தது.

இப்பணி முடிந்து விரைவில் திறப்பதற்கான ஏற்பாடுகள் நடந்து வருகிறது. இந்த அறை கட்டுமான பணியை எஸ்.பி., சரவணன் நேற்று நேரில் பார்வையிட்டு ஆய்வு செய்தார். கட்டடத்தை திறப்பதற்கான ஏற்பாடுகள் குறித்து போலீசாருக்கு ஆலோசனை வழங்கினார்.

அப்போது, ஆயுதபடை டி.எஸ்.பி., ஞானவேல், சப் இன்ஸ்பெக்டர் குமாரராஜா உடனிருந்தனர்.