மயிலத்தில் உங்களுடன் ஸ்டாலின் திட்ட முகாம் நடந்தது. இதில், மஸ்தான் எம்.எல்.ஏ., தலைமை தாங்கி முகாமை துவக்கி வைத்து பேசினார்.

சேர்மன் யோகேஸ்வரி மணிமாறன், பி.டி.ஒ.,க்கள் சிவக்குமார், மணிமாறன், திண்டிவனம் தாசில்தார் யுவராஜ் முன்னிலை வகித்தனர். மயிலம் ஒன்றிய கவுன்சிலர் செல்வகுமார் வரவேற்றார்.

மயிலம் அரசு மருத்துவமனை சார்பில், முகாமில் முதியவர்களுக்கு மாத்திரைகள் மற்றும் கர்ப்பிணிகளுக்கு சத்துணவு பெட்டகம் வழங்கப்பட்டது.

மேலும், 13 அரசுத் துறைகள் முகாமில் கலந்து கொண்டன. இம்முகாமில், மகளிர் உரிமைத் தொகை விண்ணப்பிக்க பெண்கள் ஆர்வம் காட்டினர்.

இதில் தி.மு.க., வடக்கு மாவட்ட அவை தலைவர் சேகர், முன்னாள் எம்.எல்.ஏ.,க்கள் மாசிலாமணி, சேதுநாதன், வடக்கு ஒன்றிய செயலாளர் மணிமாறன், மாநில தீர்மானக்குழு உறுப்பினர் சிவா, மயிலம் எஸ்.எஸ்.பி.எஸ்., கல்லுாரி செயலாளர் ராஜூவ்குமார் ராஜேந்திரன், முதல்வர் திருநாவுக்கரசு, மயிலம் தொகுதி மருத்துவ அணி துணை அமைப்பாளர் பழனி, மாவட்ட சிறுபான்மை பிரிவு அன்சாரி, ஊராட்சி மன்ற தலைவர் சிவக்குமார், மயிலம் ஊராட்சி செயலாளர் சங்கர், ஒன்றிய விவசாய அணி அமைப்பாளர் பாஸ்கர் உள்ளிட்டோர் கலந்து கொண்டனர்.