வேளாண்மை உதவி இயக்குநர் எத்திராஜ் தலைமை தாங்கினார். முகாமில், இல்லம் தேடி கல்வி தன்னார்வலர்கள், சமுதாய வள பயிற்றுநர்கள் மற்றும் சுய உதவிக்குழு மகளிர்கள் கலந்து கொண்டனர்.

வேளாண்மை துறையால் பிரத்யேகமாக உருவாக்கப்பட்ட மொபைல் செயலி பதிவிறக்கம் செய்து, விவசாய வயல்களுக்கு சென்று பயிர் சாகுபடி பரப்புகளை கணக்கீடு செய்வது குறித்து பயிற்சி அளிக்கப்பட்டது.

வானுார் வேளாண்மை அலுவலர் ரேவதி, மகளிர் குழுக்களுக்கு பயிற்சி அளித்தார். மின்னணு பயிர் கணக்கிடானது ஒவ்வொரு பருவத்திற்கும் பயிர்கள் வாரியாக சாகுபடி விவரங்களை கணக்கீடு செய்து, இந்த மொபைல் செயலில் பதிவேற்றம் செய்ய திட்டமிடப்பட்டுள்ளது.