வானூர் அடுத்த ராவுத்தன்குப்பம் எல்லையம்மன் கோவில் தேர் திருவிழா கொடி ஏற்றத்துடன் நேற்று முன்தினம் துவங்கியது.

வரும் 5ம் தேதி வரை, சிறப்பு அலங்காரத்தில் அம்மன் வீதியுலா நடக்கிறது. 6ம் தேதி காலை 11:00 மணிக்கு, அம்மனுக்கு கூழ்வார்த்தல், பகல் 2:00 மணிக்கு காளி வள்ளான் கோட்டை அழித்தல், அம்மன் பரி வேட்டையாடுதல் நடக்கிறது.

மாலை 6:00 மணிக்கு, செடல் உற்சவம் நடக்கிறது. இரவு 7:00 மணிக்கு சிறப்பு அலங்காரத்தில் தேரில் அம்மன் எழுந்தருளி, தேர் வீதியுலா நடக்கிறது. 7ம் தேதி மாலை 5;30 மணிக்கு காத்தவராயன் சுவாமிக்கும், ஆரியமாலா, கருப்பழகி சுவாமிக்கும் திருக்கல்யாணம் நடக்கிறது.

விழாவிற்கான ஏற்பாடுகளை கிராம பொது மக்கள் செய்துள்ளனர்.