புதுச்சேரி தினமலர் பட்டம் இதழ், ஆச்சார்யா கல்விக் குழுமம் இணைந்து ''பதில் சொல் அமெரிக்கா செல்'' வினாடி வினா போட்டி பள்ளிகளில் நடத்தப்பட்டு வருகிறது. இந்தவகையில் கெடார் அரசு மகளிர் மேல்நிலைப்பள்ளியில் நேற்று நடந்தது.

பள்ளி வளாகத்தில் நடந்த போட்டிக்கு தலைமை ஆசிரியைபொன்முடி தலைமை தாங்கினார்.

ரோட்டரி சங்க கல்வி அறக்கட்டளை செயலாளர், முன்னாள் துணை ஆளுனர் சரவணக்குமார், செயலாளர் அன்பழகன், பொருளாளர் சுரேஷ்குமரன் முன்னிலை வகித்தனர். உதவி ஆசிரியை கலைச்செல்வி வரவேற்றார்.

போட்டியில் 100 மாணவ மாணவிகள் பங்கேற்றனர். அதில் 16 மாணவ மாணவியர்கள் தேர்வு செய்யப்பட்டு, 8 குழுக்களாக பிரித்து மூன்று சுற்றுகளாக வினாடி வினாடி போட்டி நடந்தது.

இதில் சிவப்பிரியா, ஆஷினி குழு முதலிடத்தையும்,கீர்த்தனா,ஆனந்தி குழு இரண்டாமிடத்தையும் வென்றனர். போட்டியில் வெற்றி பெற்ற மாணவ மாணவிகளுக்கு ரோட்டரி சங்கத் தலைவர் கன்யா ரமேஷ் தலைமையில் கல்வி அறக்கட்டளைத் தலைவர் முத்து சரவணன் பதக்கம், கேடயம், சான்றிதழ்களை வழங்கினார்.

போட்டியில் பங்கு பெற்ற 100 மாணவ மாணவிகளுக்கு சான்றிதழ்கள் வழங்கப்பட்டது. பள்ளி ஆசிரியைகள் அனுராதா, ராஜா, சக்கீனா பீபி,மாணவிகள் உட்பட பலர் பங்கேற்றனர்.