திருவெண்ணெய்நல்லுார் சுற்று வட்டார பகுதியில் கனமழை காரணமாக கடந்த 2ம் தேதியில் வெள்ளப்பெருக்கு ஏற்பட்டது. அப்போது திருவெண்ணெய்நல்லுார் மலட்டாறின் குறுக்கே செல்லக்கூடிய திருவெண்ணெய்நல்லுார் - எல்லீஸ்சத்திரம் பிரதான சாலை, அடியோடு தண்ணீரில் அடித்து செல்லப்பட்டது.

இதனால் பொதுமக்கள் 17 கி.மீ., சுற்றிக் கொண்டு விழுப்புரம், பண்ருட்டி செல்ல வேண்டிய சூழல் உள்ளது.

எனவே, திருவெண்ணெய்நல்லுார் - எல்லீஸ்சத்திரம் சாலையை சீரமைக்ககோரி நேற்று முன்தினம் மறியல் போராட்டத்தில் ஈடுபட்டனர். அதன் எதிரொலியாக கிராவல் மணல், ஜல்லி கொட்டி தற்காலிக சாலை அமைக்கும் பணி நடைபெற்று நேற்று பிற்பகல் 2:30 மணியளவில் தற்காலிகமாக மக்கள் பயன்பாட்டிற்கு வந்தது.