கீழ்புத்துப்பட்டு அருகே கடையில் குட்கா புகையிலை பொருட்கள் விற்கப்படுவதாக கோட்டக்குப்பம் போலீசாருக்கு புகார் சென்றது. இதையடுத்து போலீசார் அப்பகுதியில் நேற்று முன்தினம் திடீரென சோதனை நடத்தினர். அப்போது, கீழ்புத்துப்பட்டு அடுத்த எல்லத்தரசு-பிம்ஸ் மருத்துவமனை சாலையில் உள்ள பெட்டிக்கடையில் அரசால் தடை செய்யப்பட்ட குட்கா புகையிலை பொருட்கள் விற்பனை செய்தது தெரிய வந்தது.

அதன் பேரில் போலீசார், கடை உரிமையாளரான அதே பகுதியை சேர்ந்த கண்ணன் மகன் வினோத்குமார், 26; என்பவர் மீது வழக்குப்பதிந்து அவரை கைது செய்தனர். மேலும் அவரிடம் இருந்த ஹான்ஸ், கூல் லிப் உள்ளிட்ட, 180 குட்கா புகையிலை பாக்கெட்டுக்கள் பறிமுதல் செய்யப்பட்டன.