விருதுநகர் அருகே ஒரு கிராமத்தை சேர்ந்தவர் தங்கேஸ்வரன். இவர் 2016ல் பேச்சு வராத 18 வயது பெண் ஒருவருக்கு பாலியல் தொல்லை கொடுத்துள்ளார். விருதுநகர் அனைத்து மகளிர் போலீசார் விசாரித்து தங்கேஸ்வரன் மீது 4 பிரிவுகளில் வழக்கு பதிவு செய்து கைது செய்தனர்.

ஸ்ரீவில்லிபுத்தூர் மகளிர் விரைவு நீதிமன்றத்தில் வழக்கு விசாரணை நடந்தது. இதில் 4 பிரிவுகளுக்கும் சேர்த்து மொத்தம் 20 ஆண்டுகள் சிறை தண்டனை விதித்தும், அதனை ஏக காலத்தில் அனுபவிக்க உத்தரவிட்டும் நீதிபதி பகவதி அம்மாள் தீர்ப்பளித்தார். அரசு தரப்பில் வழக்கறிஞர் ஜான்சி ஆஜரானார்.