மதுரை மாவட்டம் கள்ளிக்குடி அருகே வீரபெருமாள்புரத்தைச் சேர்ந்தவர்கள் சுப்பாரெட்டி 60. இவரது உறவினர்கள் கஸ்துாரி திலகம் 60, ஜெயலட்சுமி 50, சீதாலட்சுமி 70. இவர்கள் நேற்று மதியம் 2:30 மணிக்கு உறவினர் இறுதி சடங்கில் பங்கேற்று விட்டு வீரபெருமாள்புரம் செல்வதற்காக விருதுநகர் ஆவல்சூரன்பட்டி விலக்கில் நான்குவழிச்சாலையில் பஸ்சிற்காக காத்திருந்தனர்.

அப்போது மதுரை நோக்கி நாகர்கோவில் ஜோன்ஸ் தெருவைச் சேர்ந்த ஜீவாசதீஷ் ஓட்டிவந்த கார் கட்டுபாட்டை இழந்துமோதியதில் சுப்பாரெட்டி, கஸ்துாரி திலகம், ஜெயலட்சுமி, சீதாலட்சுமி காயமடைந்து விருதுநகர் அரசு மருத்துவமனையில் அனுமதிக்கப்பட்டனர். இவ்விபத்தில் ஜீவாசதீஷ் காருடன் அருகில் இருந்த பள்ளத்தில் விழுந்து பலியானார். மருத்துவமனையில் கஸ்துாரி திலகம் பலியானார். கள்ளிக்குடி போலீசார் விசாரிக்கின்றனர்.