விருதுநகர் மருளூத்தை சேர்ந்தவர்கள் வீரபாண்டியன், செல்லப்பாண்டி. இருவரும் தங்கள் நிலத்தில் 150 கொடிக்காய் மரங்களை ஊடுபயிராகவும், கரைப்பகுதிகளிலும் நடவு செய்து 20 ஆண்டுகளாக பராமரித்து வளர்த்து வந்தனர். 3 ஏக்கரில் 3600 வாழை மரங்களை நடவு செய்துள்ளனர்.

இந்நிலையில் விருதுநகர் பகுதிகளில் நேற்று முன்தினம் மாலை பலத்த சூறாவளி வீசியது. இதில் மருளூத்து பகுதியில் அறுவடைக்கு தயாராக இருந்த 150 கொடிக்காய் மரங்களின் கிளைகளும், 50 மரங்கள் வேரோடும் சாய்ந்தது.

3 ஏக்கரில் பயிரிடப்பட்ட 3600 வாழைகளில் குலை தள்ளிய நிலையில் இருந்த வாழைகள் சேதமானது. பால்சாமி, வசந்தா என்பவர்களின் கூரை வீடுகளும் சேதமாகியது.

எனவே மாவட்டத்தில் சூறாவளியால் பாதிக்கப்பட்ட பகுதிகளை அதிகாரிகள் ஆய்வு செய்து இழப்பீடு வழங்க வேண்டும், என விவசாயிகள் எதிர்பார்க்கின்றனர்.