கடந்த நான்கு நாட்களுக்கு முன்பு மேற்கு தொடர்ச்சி மலைப்பகுதியில் மின்னல் தாக்கியதில் புற்கள் தீப்பற்றி, ராக்காச்சியம்மன் கோயில் முதல் விரியன் கோயில் வரை சுமார் 5கிலோ மீட்டர் தூரத்திற்கு எரிந்து வருகிறது.

வனத்துறையினர் ,தொடர்ந்து மூன்று நாட்களாக தீயை அணைக்கும் பணியில் ஈடுபட்டனர். ஆனாலும், தீயை அணைக்க முடியவில்லை.

நான்காவது நாளாக நேற்றும் காட்டுத்தீ மேலும் பல கிலோ மீட்டர் தூரத்திற்கு பரவி கொளுந்து விட்டு எரிந்தது. ஹெலிகாப்டர் மூலம் தண்ணீர் தெளித்து காட்டுத்தீயை அணைக்க தமிழக அரசு நடவடிக்கை எடுக்க வேண்டுமென வன அலுவலர்கள் கோரிக்கை விடுத்துள்ளனர்.