சின்னப்பரெட்டியபட்டியில் ஆழ்துளை அமைத்து மோட்டார் மூலம் மேல்நிலை தொட்டிக்கு ஏற்றப்பட்டு குடிநீர் வினியோகம் செய்யப்படுகிறது. இந்நிலையில் மோட்டார் பழுது காரணமாக 5 நாட்களாக குடிநீர் வினியோகம் இல்லை. ஆத்திரமடைந்த மக்கள் நேற்று விருதுநகர் - ஸ்ரீவில்லிபுத்துார் செல்லும் அழகாபுரி ரோட்டில் மறியலில் ஈடுபட்டனர்.

அரை மணி நேரம் வரை நீடித்த மறியலால் போக்குவரத்து பாதிக்கப்பட்டது. ஊராட்சி தலைவர் காளியம்மாள் மோட்டாரை சரிபார்த்து விரைவில் குடிநீர் வழங்குவதாக கூறியதை அடுத்து அவ்வூர் மக்கள் கலைந்து சென்றனர்.