ஸ்ரீவில்லிபுத்துார் அருகே மீனாட்சிபுரத்தில் வடிவேல் என்பவருக்கு சொந்தமான பட்டாசு ஆலை விதிமீறல் காரணமாக உரிமம் ரத்து செய்யப்பட்டிருந்தது. தாசில்தார் முத்துமாரி தலைமையில் வருவாய் துறையினர், போலீசார் நேற்று காலை 11:00 மணிக்கு அந்த பட்டாசு ஆலைக்கு சென்றனர். அப்போது அங்கு 50 தொழிலாளர்களுடன் ஆலை செயல்பட்டு கொண்டிருந்தது.

இதையடுத்து அங்கு வேலை செய்த தொழிலாளர்களை வீட்டுக்கு அனுப்பிவிட்டு, அங்கிருந்த பல லட்சம் ரூபாய் பட்டாசுகளை பறிமுதல் செய்து ஆலைக்கு சீல் வைத்தனர்.