துாத்துக்குடி மாவட்டம் கோவில்பட்டியைச் சேர்ந்தவர் மைக்கேல் அமல்தாஸ் 48. சாத்துார் அருகே நள்ளியிலுள்ள அவரின் பெட்ரோல் பங்க் செப்டிக் டேங்கை 2014 ஜுன் 19 ல் கோவில்பட்டி ஆவல்நத்தத்தைச் சேர்ந்த ராஜ் 22, மாடசாமி 28, ஆகியோர் சுத்தம் செய்ய பாதுகாப்பு உபகரணங்கள் இல்லாமல் இறங்கிய போது விஷவாயுத்தாக்கி பலியாகினர்.

இவ்வழக்கில் மைக்கேல் அமல்தாஸ், மேனேஜர் கோவில்பட்டி இலுப்பையூரணி மார்ட்டின் ஜார்ஜ் 45, ஆகியோர் மீது வழக்குப்பதிந்து தாலுகா போலீசார் விசாரித்தனர்.

இவ்வழக்கை விசாரித்த சார்பு நீதிபதி முத்து மகாராஜா குற்றம் சாட்டப்பட்ட இருவருக்கும் 2 ஆண்டுகள் சிறை தண்டனையும், தலா ரூ.ஒரு லட்சம் அபராதமும் விதித்து தீர்ப்பளித்தார். அரசு தரப்பு வழக்கறிஞர் முருகன் ஆஜரானார்.