நாகர்கோவிலை சேர்ந்தவர் மணிகண்டன், 45. தாம்பரம் - - நாகர்கோவில் அந்தியோதயா அதிவிரைவு ரயிலில் பயணித்தார். சாத்துார் ரயில்வே ஸ்டேஷன் 3வது பிளாட்பாரத்திற்கு நேற்று காலை 9:29 மணிக்கு வந்த ரயில் 9:32 மணிக்கு மீண்டும் கிளம்பியது. ரயிலில் இருந்து இறங்கிய மணிகண்டன், ரயில் கிளம்பியவுடன் அதில் ஏற முயன்றார்.

நிலை தடுமாறி தண்டவாளத்தில் விழுந்தார். ரயில் சக்கரம் தலையில் ஏறி இறங்கியதில் சம்பவ இடத்திலேயே பலியானார்.

இதனால் 40 நிமிடம் தாமதமாக காலை 10:14மணிக்கு ரயில் சாத்துாரில் இருந்து புறப்பட்டு சென்றது. துாத்துக்குடி ரயில்வே போலீசார் விசாரிக்கின்றனர்.