ஆண்டு தோறும் சபரிமலை ஐயப்பன் கோயிலில் கார்த்திகை மண்டல பூஜை துவங்கி, மகர ஜோதி வரை ஏராளமான ஐயப்ப பக்தர்கள் மதுரை, ஸ்ரீவில்லிபுத்தூர், தென்காசி, ஆரியங்காவு, புனலூர் வழியாக பம்பை சென்று ஐயப்பனை தரிசிக்க வருகின்றனர். இதில் ஐயப்பன் கோயில் செல்லும் போதும், திரும்பும் போதும் ஆண்டாள் கோயிலில் சுவாமி தரிசனம் செய்ய வருகின்றனர்.

இந்நிலையில் கடந்த சில நாட்களுக்கு முன்பு ஐயப்பன் கோயில் மண்டல பூஜை துவங்கியநிலையில், தமிழகத்தின் பல்வேறு வெளிமாவட்ட பக்தர்கள் அதிகளவில் ஆண்டாள் கோயிலில் சுவாமி தரிசனம் செய்ய வந்தனர். இதனால் கோயில் மாடவீதி, ரதவீதிகளை சுற்றியுள்ள பால்கோவா கடைகளில் பால்கோவா விற்பனை அதிகரிக்க துவங்கியுள்ளதாக வியாபாரிகள் தெரிவித்தனர்.