சிவகாசியிலிருந்து மீனம்பட்டி ரத்தினபுரி பஸ் ஸ்டாப் அருகே ரோட்டோரத்தில் டிரான்ஸ்பார்மர் உள்ளது.

இதிலிருந்து மீனம்பட்டி, ரத்தினபுரி குடியிருப்புகள், பட்டாசு கடைகளுக்கு மின்சாரம் வினியோகம் செய்யப்படுகின்றது. டிரான்ஸ் பார்மர் அமைந்துள்ள பகுதி அருகே பட்டாசு கடைகள், அச்சகங்கள் ஏராளமாக உள்ளன.

இந்நிலையில் டிரான்ஸ்பார்மரில் இரு மின் கம்பங்களுமே அடி முதல் உச்சி வரை முற்றிலும் சேதம் அடைந்து துருப் பிடித்த கம்பிகளால் தாங்கி நிற்கிறது. பெரிய காற்று அடித்தாலோ மழை பெய்தாலோ விழுந்து விட வாய்ப்பு உள்ளது.

எப்பொழுதுமே போக்குவரத்து நிறைந்திருக்கும் இந்த ரோட்டில் வாகனங்கள் செல்லும்போது மின்கம்பங்கள் விழுந்தால் பெரிய அசம்பாவிதம் ஏற்பட வாய்ப்புள்ளது. தவிர பட்டாசு கடைகள், அச்சகங்கள் உள்ளதால் பெரிய விபத்து ஏற்படவும் வாய்ப்பு உள்ளது.

எனவே உடனடியாக டிரான்ஸ்பார்மரில் சேதம் அடைந்த மின்கம்பங்களை மாற்றி புதிய மின்கம்பங்கள் அமைக்க வேண்டும் என மக்கள் எதிர்பார்க்கின்றனர்.