அவர்கள் சென்று வர ஏதுவாக உதவிகரமாக இருப்பதுடன், அவசரத்திற்கு ஆம்புலன்ஸ், தீயணைப்பு வாகனங்கள் சென்று வரவும் அத்தியாவசியமாக உள்ளது. இந்நிலையில் இன்னும் பல பகுதிகளில் சிமென்ட் பிளாக்குகள் போட்டு வைக்கப்பட்டன. ஆனால் தற்போது வரை பணிகள் துவங்கப்படவில்லை.

தற்போது கிராமங்களில் அதிகரித்து வரும் பொருளாதார சூழலால் கிராமத்தினர் பலர் நகர்ப்புறங்களை நோக்கி படையெடுக்கின்றனர். மக்கள் தொகை அதிகரிப்பும் ஒரு பக்கம் இருந்து வருவதால் சுரங்கப்பாதைகள் அமைக்கப்படாத கிராமங்களில் அவை தற்போது அதிதீவிர தேவையாக உள்ளது.

மேலும் சிறப்பு நிலை ஊராட்சிகள் அளவிற்கு பல கிராமங்கள் வளர்ந்து விட்டன. இதனாலும் தேவைக்காக அடிக்கடி வாகனங்கள் வந்து செல்கின்றன. சிக்னல் போட்டால் கிராஸிங் கேட் அடைத்து விட்டால் 10 முதல் 15 நிமிடங்கள் வரையாக காத்திருக்கும் சூழல் உள்ளது. இதனால் மக்கள் கடும் சிரமத்தை சந்திக்கின்றனர்.

விருதுநகர் அருகே ஆவல்சூரன்பட்டி, சத்திரரெட்டியபட்டி, பட்டம்புதுார், துலுக்கப்பட்டி என பல இடங்களில் ரயில்வே சுரங்கப்பாலங்கள் முக்கிய தேவையாக உள்ளது. சாத்துார் தாலுகாவிலும், இதே போல் ஸ்ரீவில்லிபுத்துார், ராஜபாளையத்திலும் ஊரகப்பகுதிகளில் சுரங்கப்பாலங்கள் தேவையாக உள்ளது.

பல இடங்களில் சிமென்ட் பிளாக்குகள் கொண்டு வரப்பட்டுள்ளன. ஆனால் தற்போது வரை எந்த நடவடிக்கையும் எடுக்கப்படவில்லை. கிராமத்தினர் கடும் சிரமத்தினை சந்தித்து வருகின்றனர்.