ராஜபாளையம் தெற்கு வெங்கா நல்லுார் ஊராட்சிக்கு உட்பட்ட அண்ணா நகரில் குடியிருப்பு அருகே குப்பை கொட்டி தீ வைப்பதால் சுவாசக் கோளாறு, தெருக்களில் நாய்கள் அதிகரிப்பால் மக்கள் அச்சத்துடன் நடமாட வேண்டி உள்ளது.

இப்பகுதி வீடுகளில் சுகாதார வளாகம் இல்லாததால், திறந்தவெளிகளை பயன்படுத்தும் பரிதாப நிலை உள்ளது. பொது மக்களுக்கான குளியல் தொட்டி காட்சி பொருளாக மாறி உள்ளது. இப்பகுதியில் உள்ள மழை நீர் வடிகால் பிரதான ஓடை கழிவுகள் சேர்ந்து சுகாதார கேடு ஏற்படுத்தி வருவதால் துர்நாற்றம் ஏற்பட்டு அக்கம் பக்கம் வசிப்பவர்கள் முகம் சுளிக்கின்றனர்.