மாவட்டத்தில் சுகாதாரத்துறை சார்பாக போலியோ சொட்டு மருந்து முகாம் மாவட்டம் முழுவதும் உள்ள அரசு மருத்துவமனைகள், நகர்புறம், கிராம ஆரம்ப சுகாதார நிலையங்களில் நேற்று நடந்தது. விருதுநகரில் 518 முகாம்கள் மூலம் 5 வயதுடைய 48,394 குழந்தைகளுக்கு வழங்க இலக்கு நிர்ணயிக்கப்பட்டு 46,887 குழந்தைகளுக்கு கொடுக்கப்பட்டது.

சிவகாசியில் 619 முகாம்கள் மூலம் 5 வயதுடைய 83,854 குழந்தைகளுக்கு வழங்க இலக்கு நிர்ணயிக்கப்பட்டு 82,080 குழந்தைகளுக்கு கொடுக்கப்பட்டது. விருதுநகர் மாவட்டத்தில் 1137 முகாம்கள் மூலம் 1,28,967 குழந்தைகளுக்கு கொடுக்கப்பட்டது. மாவட்டத்தில் மொத்தம் 97.5 சதவிகிதம் குழந்தைகளுக்கு போலியோ சொட்டு மருந்து கொடுக்கப்பட்டுள்ளது.