விருதுநகர் கவுசிகா நதி குப்பை மேடாகி, கழிவுநீர் ஓடையாகி வருகிறது. குல்லுார்சந்தை, கோல்வார்பட்டி, இருக்கன்குடி அணைகள்மூலம் 17 ஆயிரத்து 400 ஏக்கர் நிலம் பாசன ஆயக்கட்டு இருக்கிறது. தற்போது மூன்று அணைகளின் தண்ணீரும் பாசனத்திற்கு லாயக்கற்றதாகி விட்டது.

காவிரி - வைகை - கிருதுமால் - குண்டாறு பாசன விவசாயிகள் கூட்டமைப்பு சார்பில் நேற்றுகாலை விருதுநகர் ஆத்துப்பாலத்தில் துவங்கி இருக்கன்குடி அணை வரை நடைபயணம் நடத்த இருந்த நிலையில்போலீசார் தடை விதித்தனர்.

தடை உத்தரவை மீறி நடைபயணம் சென்ற 100 விவசாயிகளை கைது செய்தனர்.