மேற்குத் தொடர்ச்சி மலையடிவார பகுதியான கூமாபட்டியை சுற்றி பெரியகுளம், விராக சமுத்திரம், கொடிக்குளம், பூரிப்பாறை, பாதரங்குளம் உட்பட பல்வேறு கண்மாய்கள் உள்ளது. இப்பகுதியில் கன மழை பெய்து கண்மாய்களில் நீர்வரத்து ஏற்பட்டால் கடல் போல் தண்ணீர் நிரம்பி காட்சியளிக்கும்.

கூமாபட்டி, அத்தி கோயில், கான்சாபுரம் பகுதிகளில் உள்ள வயல்களில் ஒரு பக்கம் கிணற்று பாசனம் இருந்தாலும், பிளவக்கல் அணை தண்ணீரையும், கண்மாய் தண்ணீரையும் நம்பி பெரும்பாலான விவசாயிகள் விவசாயம் செய்து வருகின்றனர்.

இந்நிலையில் தற்போது பெரியகுளம், விராக சமுத்திரம், கொடிக்குளம் உட்பட பல்வேறு கண்மாய்களில் தண்ணீர் நாளுக்கு நாள் குறைந்து வறண்டு வருகிறது. இதனால் கண்மாய் தண்ணீரை நம்பி விவசாயம் செய்யும் விவசாயிகள் கவலை அடைந்துள்ளனர்.