விருதுநகர் ஆர்.ஆர்.நகரை சேர்ந்தவர் அன்புச்செல்வி, 36. ஆவுடையாபுரம் அரசு மேல்நிலைப் பள்ளியில் இயற்பியல் ஆசிரியர். இவர் தன் வகுப்பறையில் இருந்த மாணவர்களுக்கு, சில நாட்களுக்கு முன், 'கடந்தாண்டு பிளஸ் 1 படிப்பை பாதியில் நிறுத்திய மாணவனை போல இருக்கக் கூடாது' என மாணவர்களுக்கு அறிவுரை வழங்கினார்.

தன்னை பற்றி ஆசிரியை பேசியதை அறிந்த அந்த முன்னாள் மாணவர், நேற்று முன்தினம், 11:15 மணிக்கு வகுப்பறைக்குள் நுழைந்து, ஆசிரியையிடம் ஆபாசமாக பேசி, அவரை கடுமையாக தாக்கினார்.

இதில், படுகாயம் அடைந்த ஆசிரியை, முதலுதவி சிகிச்சை பெற்றார். தாக்குதலில் ஈடுபட்ட சிறுவனை, வச்சக்காரப்பட்டி போலீசார் கைது செய்து, மதுரை கூர்நோக்கு இல்லத்தில் அடைத்தனர்.