இந்நிலையில் விதிமுறைகளை மீறி ஏற்கனவே உள்ள விவசாய விளை நிலங்களை பல்வேறு தரப்பினர் கைமாற்றி வணிக நோக்கில் சுற்றுலா பயணிகளுக்கு தங்கும் விடுதியாக மாற்றுவதும், ஏற்கனவே உள்ள நிலங்களில் நீச்சல் குளம் ஏசி போன்ற மாடியுடன் கூடிய சொகுசு வீடுகளையும் கட்டி வருவது தொடர்ந்துள்ளது.

மாவட்டத்தில் வத்திராயிருப்பு, ஸ்ரீவில்லிபுத்துார், சேத்துார், செண்பகத் தோப்பு, தேவதானம், ராஜபாளையம் உள்ளிட்ட வனத்தை ஒட்டிய பகுதி விவசாய நிலங்களில் மாறுபாடுகள் நடந்து வருகின்றன. குற்றாலம் உள்ளிட்ட பிரபலமான சுற்றுலா தலங்கள் கண்காணிப்பிற்கும், அதிக கட்டணமும் விதிக்கப்படுவதால் மாநிலத்தின் பல்வேறு பகுதிகளில் இருந்து இணையதள விளம்பரம் மூலம் வந்து தங்குபவர்கள் எண்ணிக்கை அதிகரித்து வருகிறது.

இதனால் இப்பகுதியில் பாதுகாக்கப்பட்ட வனவிலங்குகளான யானை, மான், முயல், காட்டெருமை, உடும்பு, மிளா போன்றவற்றிற்கு வாழ்விடம் பாதிப்பு ஏற்படுவதுடன் இவர்கள் உணவு பொருட்களுடன் வீசி செல்லும் பிளாஸ்டிக் உள்ளிட்ட கழிவு பொருட்களால் உயிர் சூழல் பாதிக்கிறது.

இது போன்ற சூழலில் விவசாயம் என்ற போர்வையில் வணிகப் பயன்பாட்டால் மின்வாரியம், குடிநீர், வரி வருவாய் பாதிப்பதுடன் சமூக விரோத செயல்களும், போதை போன்ற இளைஞர்களை தனிமைக்கு ஈர்க்கும் செயல்கள் ஊக்குவிக்கப்படுகிறது.

விதி மீறல்கள் குறித்து வனத்துறை மாவட்ட நிர்வாகம் கணக்கெடுத்து கடும் நடவடிக்கை மேற்கொண்டு தடுக்க வேண்டும் என்பதே சமூக ஆர்வலர்களின் எதிர்பார்ப்பு.