திருப்பூரில் இருந்து முருக பக்தர்கள் 20 பேர் கந்த சஷ்டி விழாவிற்காக வேனில் அருப்புக்கோட்டை வழியாக திருச்செந்துார் சென்று கொண்டிருந்தனர். நேற்று காலை 6:00 மணிக்கு அருப்புக்கோட்டை அருகே மதுரை -- தூத்துக்குடி நான்கு வழிச்சாலை ராமானுஜபுரம் விலக்கு பகுதியில் வேன் நிலை தடுமாறி டிவைடரில் மோதி ரோட்டில் கவிழ்ந்து விபத்து ஏற்பட்டது. இதில் 5 பேர் லேசான காயம் அடைந்தனர். தாலுகா போலீசார் விசாரிக்கின்றனர்.

* இதே போன்று பாண்டிச்சேரியில் இருந்து 15 முருக பக்தர்கள் திருச்செந்துார் நோக்கி சென்று கொண்டிருந்தபோது அருப்புக்கோட்டை அருகே பந்தல்குடி புதுார் விலக்கு பகுதியில் வேன் சாலையோர பள்ளத்தில் கவிழ்ந்து விபத்துக்குள்ளானது. இதில் பயணம் செய்த 6 முருக பக்தர்கள் லேசான காயம் அடைந்தனர். இதுகுறித்து பந்தல்குடி போலீசார் விசாரிக்கின்றனர்.