காரியாபட்டி மேலக்கள்ளங்குளம், முஷ்டக்குறிச்சி, உள்ளிட்ட பகுதிகளில் சில தினங்களாக குறைந்த அழுத்த மின்சாரம் சப்ளை செய்யப்படுகிறது. வீட்டில் மின் சாதன பொருட்கள் இயக்க முடியவில்லை. மின் மோட்டார் இயக்க முடியாமல் குடிநீர் சப்ளை செய்ய முடியவில்லை என ஊராட்சி நிர்வாகம் தெரிவித்து வருகிறது.

குடிநீர் கிடைக்காமல் மக்கள் பெரிதும் சிரமத்திற்கு ஆளாகி வருகின்றனர். மேலும் குறைந்த அழுத்த மின்சாரத்தால் மின்சாதனங்கள் பழுது ஏற்பட்டு வருகிறது. பணம் விரயம் ஆவதால் மக்கள் வேதனை அடைந்தனர். அப்பகுதியில் சீரான மின்சாரம் வழங்க நடவடிக்கை எடுக்க வேண்டும்.