சதுரகிரி சுந்தர மகாலிங்கம் கோயிலில் ஆனந்தவல்லி அம்மனுக்காக, நவராத்திரி திருவிழா பத்து நாட்கள் நடக்கும். இதனை தரிசிக்க தமிழகத்தின் பல்வேறு பகுதிகளில் இருந்து ஏராளமான பக்தர்கள் மலைக்கு வந்து தங்கி வழிபட்டு விரதம் கடைபிடிப்பர் .

இந்தாண்டு அக்., 3 அதிகாலை 5:00 மணிக்கு ஆனந்தவல்லி அம்மனுக்கு காப்பு கட்டுதலுடன் நவராத்திரி பூஜைகள் துவங்குகிறது. அதனைத் தொடர்ந்து தினமும் இரவு 6:00 மணிக்கு மேல் கொலு பஜனை சிறப்பு வழிபாடு நடக்கிறது.

அக். 11 இரவு 7:00 மணிக்கு சரஸ்வதி பூஜையும், அக். 12ல் விஜயதசமி மற்றும் அம்பு போடுதலும் நடக்கிறது. விழா ஏற்பாடுகளை ஏழூர் சாலியர் சமூகத்தினர், அறநிலையத் துறையினர் செய்துள்ளனர்.

நவராத்திரி திருவிழாவின் அனைத்து நாட்களிலும் பக்தர்களை அனுமதிக்க வேண்டும் என கோரிக்கை எழுந்துள்ளது.