காரியாபட்டி சுற்று கிராமங்களில் ரோட்டை ஒட்டி சீமைக் கருவேல மரங்கள் அடர்ந்து வளர்ந்து, கிளைகள் ரோட்டில் சாய்ந்து கிடக்கின்றன. இதனால் வளைவுகளில் எதிரே வரும் வாகனங்கள் தெரியாமல் அதிவேகமாக வரும் வாகனங்கள் விபத்தில் சிக்குகின்றன.

எஸ்.கடமங்குளத்தில் இருந்து சத்திரபுளியங்குளம் செல்லும் 2 கி.மீ. தூரம் உள்ள ரோட்டில் சீமைக் கருவேல மரங்கள் அடர்ந்து வளர்ந்துள்ளன. இதில் பயணிப்பவர்களை மரக் கிளைகள் பதம் பார்த்ததில், பலர் காயமடைந்தனர். பயணிகள் அச்சத்தில் உள்ளனர்.

எனவே இப்பகுதியில் உள்ள சீமைக் கருவேல மரங்களை அப்புறப்படுத்த வேண்டும் என பயணிகள் எதிர்பார்க்கின்றனர்.