பாலையம்பட்டி ஊராட்சியில் 10 க்கும் மேற்பட்ட புறநகர் பகுதிகள் உள்ளது. இவற்றில் வசிக்கும் மக்களுக்கு நுாறு நாள் வேலை வாய்ப்பு திட்டத்தின் கீழ் பணிகள் வழங்கவில்லை எனக்கோரி போராட்டம் நடத்தி வந்தனர். தொடர்ந்து போராடியும் எந்தவித நடவடிக்கை இல்லை. இதையடுத்து, ஜூலை 3 ல், அருப்புக்கோட்டை ஊராட்சி ஒன்றிய அலுவலகத்தில் உள்ளிருப்பு போராட்டம் நடத்தப் போவதாக மக்கள் , விவசாய கூட்டமைப்புகள் முடிவு செய்தனர்.

இந்நிலையில், அருப்புக்கோட்டை ஊராட்சி ஒன்றிய பி.டி.ஓ., காமேஸ்வரி பாலையம்பட்டி விரிவாக்க பகுதிகளில் உள்ள மக்களுக்கு, ஜூலை 3 ம் தேதியிலிருந்து நுாறு நாள் வேலை வழங்கப்படும் எனவும், வேலைக்கான விண்ணப்பம் பெற்று இணையதளத்தில் பதிவு செய்யப்படும் என அறிவித்துள்ளார்.