ராஜபாளையம் சொக்கர் என்ற மீனாட்சி சுந்தரேஸ்வரர் கோயிலில் மாசி மகம் பிரமோற்ஸவம் 10 நாள் திருவிழாவை முன்னிட்டு கொடி மரத்தின் கண் திறப்பு பூஜை ராம மந்திரம் இல்லத்தில் நடந்தது.

தொடர்ந்து வீதி வலம் சென்று கோயிலில் நேற்று காலை 8:00 மணிக்கு கொடி மரத்திற்கு சிறப்பு பூஜைக்குபின் கொடி ஏற்றப்பட்டது.

முக்கிய நிகழ்வான பிப். 21ல் திருக்கல்யாணம், பிப். 22ல் தெப்ப திருவிழா மறுநாள் தேரோட்டமும் நடைபெறுகிறது.

விழா நாட்களில் அம்பாள் காமதேனு, அன்னம், கிளி வாகனத்திலும் சுவாமி கைலாச, கற்பகவிருட்சம், யானை உள்ளிட்ட பல்வேறு வாகனங்களிலும் வீதி உலா நடக்கிறது.

ஏற்பாடுகளை கோயில் பரம்பரை அறங்காவலர் ராம்கோ குரூப் சேர்மன் பி.ஆர் வெங்கட்ராம ராஜா குடும்பத்தினர் செய்திருந்தனர்.