விருதுநகர் மாவட்ட ஊழல் தடுப்புப் பிரிவு கான்ஸ்டபிளாக பணியாற்றிய மதுரை வெள்ளாகுளம் தாத்தப்பா பாஸ்கர் 32, பிப்ரவரியில் மாரடைப்பால் உயிரிழந்தார்.

அவருடன் பணிபுரிந்த 2017 பேட்ச் போலீசார், 'காக்கும் உறவுகள்' எனும் வாட்ஸ்ஆப் குழு மூலம் 38 மாவட்டங்களைச் சேர்ந்த 6 ஆயிரத்து 921 போலீஸ் நண்பர்களிடம் இருந்து ரூ. 23 லட்சத்து 30 ஆயிரத்து 500 சேகரித்தனர்.

அவற்றை உயிரிழந்த கான்ஸ்டபிளின் மகன் யோகேஷ் பெயரில் ரூ. 12 லட்சம் வைப்புத் தொகை, மனைவி விஜயராணி பெயரில் ரூ. 4 லட்சம் வைப்புத் தொகை, ரூ. ஒரு லட்சம் ரொக்கம், பெற்றோர் பெயரில் ரூ. 6 லட்சம் வைப்புத் தொகை, ரூ. 30 ஆயிரத்து 500 ரொக்கமாக வழங்கப்பட்டது.

மாவட்ட ஊழல் தடுப்பு பிரிவு கூடுதல் எஸ்.பி., ராமச்சந்திரன், இன்ஸ்பெக்டர் பூமிநாதன், மாவட்ட குழு நிர்வாகிகள் சதீஸ்பாண்டி, சரவணன், சுந்தர்ராஜ், சிவகங்கை நிர்வாகி முகமது அஸ்லம் உடனிருந்தனர்.