சிவகாசி சாத்துார் ரோடு கிழக்கு மயான சாலை பகுதியில் ஏராளமான அச்சகங்கள், பட்டாசு கடைகள் உள்ளன. இதனால் இப்பகுதியில் மூலப் பொருட்களை கொண்டு வரவும் உற்பத்தி பொருட்களை கொண்டு செல்லவும் அதிகமான கனரக வாகனங்கள் வந்து செல்கின்றன. தவிர டிரான்ஸ்போர்ட் நிறுவனங்களும் உள்ளதால் அதிக அளவில் போக்குவரத்து உள்ளது.

இந்நிலையில் கிழக்கு மயான சாலை கடைசி பகுதியில் ரோடு சேதம் அடைந்துள்ளது. குண்டும் குழியுமாக மாறிவிட்ட இந்த ரோட்டில் எந்த வாகனமும் சென்றுவர முடியவில்லை. இந்நிலையில் மழை பெய்தால் முற்றிலும் சகதியாக மாறி விடுகின்றது.

இதில் வருகின்ற வாகனங்கள் பதிந்து விடுகின்றது. இதனால் வாகன ஓட்டிகள் பெரிதும் அவதிப்படுகின்றனர். எனவே இப்பகுதியில் சேதமடைந்த ரோட்டினை உடனடியாக சீரமைக்க வேண்டும் என வாகன ஓட்டிகள் எதிர்பார்க்கின்றன