விழாவை முன்னிட்டு நேற்று அதிகாலை 4:30 மணிக்கு மகா கணபதி பூஜை, அனுக்ஞை பூஜை, புண்யாக வாசனமும், வாஸ்து சாந்தி பூஜை, காப்பு கட்டுதல் நடந்தது.

பின்னர் காலை 6:30 மணிக்கு மாரியம்மன் கோயில் தெருவில் இருந்து நகரின் பல்வேறு வீதிகள் வழியாக சுற்றி கொடி பட்டம் கோயிலுக்கு கொண்டுவரப்பட்டது.

அங்கு சிறப்பு பூஜைகள் செய்து காலை 8:10 மணிக்கு கோயில் அர்ச்சகர் சுந்தர் கொடி பட்டம் ஏற்றினார். திரளான பக்தர்கள் பங்கேற்றனர்.

இதனை தொடர்ந்து தினமும் காலை 10:00 மணிக்கு மேல் அம்மன் மண்டகப்படி எழுந்தருளலும், இரவு 10:00 மணிக்குமேல் வெவ்வேறு வாகனங்களில் அம்மன் திருவீதி உலாவும் நடக்கிறது.

தினமும் மாலை 6:00 மணிக்கு ஆன்மிக சொற்பொழிவு நடக்கிறது.

மார்ச் 29 மதியம் 12:35 மணிக்கு மேல் பக்தர்கள் பூக்குழி இறங்குதலும், மார்ச் 30 காலை 11:00 மணிக்குமேல் தேரோட்டமும் நடக்கிறது.

விழா ஏற்பாடுகளை கோயில் நிர்வாகம் செய்துள்ளது.