ராஜபாளையம் : ராஜபாளையம் புதிய பஸ்ஸ்டாண்ட் அருகே ரயில்வே கீழ்பாலத்தில் தேங்கி இருந்த கழிவுதண்ணீர் தினமலர் செய்தி எதிரொலியால் வெளியேற்றப்பட்டது. நிரந்த தீர்வு காண அப்பகுதி மக்கள் கோரிக்கை விடுத்து உள்ளனர்.ராஜபாளையம் நகராட்சி 39 வார்டில் உள்ளது ஐ.என்.டி.யு.சி.,நகர். இப்பகுதி நலசங்க செயல்பாடுகள் குறித்து குடியிருப்போர் குரல் பகுதியில் தினமலர் இதழில் ஆக.12ல் செய்தி வெளியானது. நகராட்சி சுகாதாரத்துறை ஊழியர்கள், சுத்தம் செய்து கழிவு தண்ணீர் தேங்காமல் இருக்க தற்காலிக பணிகளை செய்தனர். தற்போது தண்ணீர் தேங்காமல் அருகே இருந்த வாறுகாலுக்கு செல்கிறது. நிரந்தர தீர்வாக இப்பகுதியில் வாறுகால் அமைத்து, கழிவுதண்ணீரை வெளியேற்றவேண்டும் என ஐ.என்.டி.யு.சி., நகர் மற்றும் சுற்றுபகுதி மக்கள் கோரிக்கை விடுத்து உள்ளனர். இது குறித்து நகராட்சி கமிஷனர் நடராஜன் கூறுகையில், ''அந்த பகுதியை ஆய்வு செய்து, நடவடிக்கை எடுக்கப்படும்'' என்றார்.