இதனை நம்பி நெல், சோளம் உள்ளிட்ட பயிர்கள் பயிரிடுகின்றனர். மேலும் அணையில் இருந்து சிவகாசி மாநகராட்சிக்கு தினமும் 20 லட்சம் லிட்டர் குடிநீர் கொண்டு செல்லப்படும் முக்கிய குடிநீர் ஆதாரமாகவும் விளங்குகிறது. மேலும் அணையை சுற்றியுள்ள கிராமப் பகுதியில் கிணற்று பாசனத்திலும் விவசாய பணிகள் நடந்து வருகின்றது. இந்நிலையில் ஷட்டர் பழுதால் தண்ணீர் வீணாக வெளியேறி வருகிறது.

கடந்த காலங்களிலும் இதே போன்று மதகில் ஷட்டர் பழுதால் தண்ணீரை தேக்க வழியின்றி வீணாக வெளியேறிவிடும். இதனை தற்காலிகமாக சரி செய்வர். தற்போது மழையும் இல்லாமல் வெம்பக்கோட்டை அணையில் தண்ணீர் மட்டம் குறைந்த நிலையில் முதல் மதகில் ஷட்டர் பழுதால் இருக்கின்ற குறைந்த அளவு தண்ணீரும் வெளியேறி வருகின்றது. இதனால் அணையின் ஒரு பகுதி வறண்டு காணப்படுகிறது.

மழை இருந்தாலும் இல்லாவிட்டாலும் எப்பொழுதுமே இந்த அணையில் குறைந்தது 14 அடி வரை தண்ணீர் இருக்கும். ஆனால் தற்போது பத்து அடியாக குறைந்து விட்டது. அடுத்து மழை பெய்து தண்ணீர் வந்தாலுமே தேக்குவதற்கு வழி இல்லாமல் வீணாக வாய்ப்புள்ளது.

இதனால் விவசாயிகள் கவலையில் உள்ளனர். எனவே பழுதடைந்த ஷட்டரை உடனடியாக சரி செய்ய வேண்டும் என விவசாயிகள் எதிர்பார்க்கின்றனர்.