விருதுநகர் கலெக்டர் அலுவலக வளாகத்தில் ரூ.77.11 கோடிக்கு கட்டப்பட்டுள்ள புதிய கலெக்டர் அலுவலக வளாக கட்டடத்தை முதல்வர் ஸ்டாலின் நவ. 10ல் திறக்கிறார். ஆறு தளங்களுடன் கூடிய இந்த கட்டடம் 2,06,756 சதுர அடியில் அமைக்கப்பட்டுள்ளது. தரைத்தளத்தில் 132 இருக்கை வசதி கொண்ட குளிரூட்டப்பட்ட குறைதீர் கூட்ட அரங்கம், செய்தி மக்கள் தொடர்பு அலுவலகம், தேர்தல் பிரிவு அலுவலகம், நான்கு சக்கர வாகன நிறுத்தம் ஆகியவை அமைக்கப்பட்டுள்ளன.

முதல் தளத்தில் துணை இயக்குனர் சுகாதாரப் பணிகள், உணவு பாதுகாப்புத் துறை, பொதுப்பணித்துறை, மின் ஆய்வாளர், புள்ளியியல் துறை அலுவலகங்கள் ,தமிழ்நாடு அரசு தொழில் முன்னேற்றக் கழக அலுவலகங்கள், இந்திய தேசிய நெடுஞ்சாலை ஆணைய அலுவலகங்கள் அமைக்கப்பட்டுள்ளன.

2ம் தளத்தில் தேசிய தகவல் மையம், ஒருங்கிணைந்த குழந்தைகள் வளர்ச்சித் திட்ட அலுவலகம் மாவட்ட கருவூல அலுவலகம் ஐ பிரிவு அலுவலகங்கள் அமைக்கப்பட்டுள்ளன .

3ம் தளத்தில் துணை கலெக்டர், கலால், முத்திரை அலுவலகங்கள், சிறப்பு திட்டங்கள் அமலாக்கத்துறை, தமிழ் வளர்ச்சி அலுவலகம், சமூக நலத்துறை, ஆதிதிராவிடர் வீட்டு வசதி, மேம்பாட்டு கழகம், தேசிய கொள்கை தொழிலாளர்கள் பாதுகாப்புத்துறை, மாவட்ட வளங்கள் துறை அலுவலகங்கள் ஆகியவை அமைக்கப்பட்டுள்ளன.

4ம் தளத்தில் கலெக்டர் அலுவலகம், டி.ஆர்.ஓ., அறை, சிறு கூட்ட அரங்கம் 40 இருக்கைகள் வசதியுடன், கூட்ட அரங்கு 200 இருக்கைகள் வசதியுடன், காணொலி கூட்ட அரங்கு 40 இருக்கை வசதியுடன் பேரிடர் மேலாண்மை கட்டுப்பாட்டு அறை, சப் கலெக்டர் அலுவலகம், வருவாய்த்துறை அலுவலகங்கள் அமைக்கப்பட்டுள்ளன.

5ம் தளத்தில் அவசரகால உதவி மைய அலுவலகம், ஆதி திராவிடர் நலத்துறை, பிற்படுத்தப்பட்டோர், சிறுபான்மை நலத்துறை, உள்ளூர் நிதி தணிக்கை, சுற்றுலாத்துறை,கேபிள் டிவி, கனிமவளத்துறை துணை இயக்குனர், கைத்தறித்துறை உதவி இயக்குனர் அலுவலகங்கள், 6ம் தளத்தில் மாநில நிதி தணிக்கை அலுவலகம் சப் கலெக்டர் அறை பல்நோக்கு கூடம் ஆகியவை அமைக்கப்பட்டுள்ளன.