அருப்புக்கோட்டை : அருப்புக்கோட்டை அருகே ராமசாமி நகரை சேர்ந்தவர் விஜயகுமார் 29. இவர் தனது தாய் குணசுந்தரி 55, உடன், நேற்று முன்தினம் இரவு 8:30 மணிக்கு, டூவீலரில் (ஹெல்மெட் அணியவில்லை) காரியாபட்டி அருகே உள்ள கணக்கநேந்தல் கிராமத்தில் உள்ள கோயிலுக்கு சென்று விட்டு ஊருக்கு திரும்பி கொண்டிருந்தனர். அருப்புக்கோட்டை அருகே, மதுரை - துாத்துக்குடி நான்கு வழிச்சாலையில் கோவிலாங்குளம் சந்திப்பு அருகே வந்து கொண்டிருந்தபோது, ஊருக்குள் சென்ற வேன் பைக்கின் மீது மோதியதில் தாய், மகன் இருவரும் பலத்த காயமடைந்தனர்.