ஆறு கோடி மக்கள் தொகை கொண்ட பிரான்ஸ், இங்கிலாந்து நாடுகள், ஐ.நா., பாதுகாப்பு சபையில் அங்கம் வகிக்கின்றன. 120 கோடி மக்கள் தொகை கொண்ட இந்தியாவால், அச்சபையில் இடம்பிடிக்க இயலவில்லை. இதற்கு, நம் நாட்டில் நிலவும் வறுமையே முக்கியக் காரணம். அத்தியாவசிய பொருட்களின் விலையைக் குறைத்து, சாமான்ய மக்களின் வாங்கும் சக்தியை அதிகரிக்கச் செய்வதன் மூலம், வறுமையை ஒழிக்க முடியும்.இவ்வாறு, மார்க்கண்டேய கட்ஜு பேசினார்.

அதன்பின், மாணவர்களின் கேள்விக்கு அவர் அளித்த பதில்:குழந்தைகளுக்கு எதிரான பாலியல் வன்முறைகளைத் தடுக்க, தனிச் சட்டம் இயற்றப்படுமா?

இவற்றைத் தடுக்க, நிறைய சட்டங்கள் ஏற்கனவே உள்ளன. தனிச் சட்டம் தேவையில்லை.

சட்டக் கல்லூரிகளின் கல்வித் தரத்தை மேம்படுத்துவற்கு என்ன வழி?

நம் நாட்டில் பெரும்பாலான சட்டக் கல்லூரிகளில், மாணவர்கள் புத்தக அறிவை மட்டுமே பெறுகின்றனர். அவர்களுக்கு, போலீசார், எப்.ஐ.ஆர்., பதிவு செய்ய மறுத்தால், அதை சட்டரீதியாக எப்படி அணுகுவது, என்பது கூடத் தெரிவதில்லை.இதனால், அவர்கள் ஐந்தாண்டு பட்டப்படிப்பை முடித்தபின், மேலும் மூன்றாண்டுகள், வழக்கறிஞர் பயிற்சி எடுக்க வேண்டியுள்ளது. இந்நிலை மாற, சட்டம் பயிலும் போதே, வழக்கறிஞர்களுக்கான அனுபவ அறிவை மாணவர்கள் பெறும்படி, பாடத்திட்டங்கள் அமைக்கப்பட வேண்டும்.