சிவகங்கை: சிவகங்கையில் வாக்காளர்களுக்கு 'குக்கர்', சேலை, அரிசி இலவசமாக கொடுப்பதாக புகார் எழுந்துள்ளது.சிவகங்கை மருதுபாண்டியர் நகர், ரயில்வே ஸ்டேஷன் அருகே எம்.ஜி.ஆர்., நகர் உட்பட பல்வேறு பகுதிகளில் 'குக்கர்', சேலைகளை இரவு நேரங்களில் வேட்பாளர்களின் ஆதரவாளர்கள் வீடுவீடாக வழங்கி வருவதாக தனிப்படை போலீசாருக்கு புகார் செல்கிறது.தேர்தல் அதிகாரி ஒருவர் கூறியதாவது: வேட்பாளர்கள் குக்கர், சேலை, அரிசியை இலவசமாக தருவதாக, கலெக்டர் அலுவலகத்தில் உள்ள தேர்தல் அலுவலகத்திற்கு புகார் வருகிறது.