சென்னை உட்பட பல இடங்களில், ஒரு முனை மின் இணைப்பிற்கான மீட்டருக்கு பற்றாக்குறை ஏற்பட்டதால், புதிய மின் இணைப்பு வழங்கும் பணியில் தாமதம் ஏற்பட்டது. எனவே, 8 லட்சம் ஒருமுனை மீட்டர்கள் வாங்க, ஒப்பந்த நிறுவனங்களுக்கு, சமீபத்தில் ஆர்டர்கள் வழங்கப்பட்டன. இதுவரை, 3 லட்சம் மீட்டர்கள் பெறப்பட்டு, பிரிவு அலுவலகங்களுக்கு அனுப்பப்பட்டு உள்ளன. மேலும், 2 லட்சம் மீட்டர்கள் அனுப்பப்பட்டு வருகின்றன.

இதுகுறித்து, மின் வாரிய அதிகாரி ஒருவர் கூறியதாவது:

ஏற்கனவே உள்ள மின் இணைப்புகளில், 1.50 லட்சத்திற்கும் அதிகமாக குறைபாடு உடைய மீட்டர்கள் கண்டறியப்பட்டு உள்ளன. அந்த மீட்டர்களை மாற்றி விட்டு, புதிய மீட்டர்களை பொருத்துமாறு அறிவுறுத்தப்பட்டு உள்ளது.

ஒப்பந்த நிறுவனங்களிடம் இருந்து, இன்னும் 2 லட்சம் மீட்டர்கள் வர வேண்டியுள்ளது. அவையும் விரைவில் பெறப்பட்டு, அலுவலகங்களுக்கு வினியோகம் செய்யப்படும். எனவே, எந்த அலுவலகத்திலும் மீட்டர் இல்லை என்ற காரணத்தை கூறி, மின் இணைப்பு வழங்க தாமதிக்க கூடாது என, பொறியாளர்களிடம் தெரிவிக்கப்பட்டுள்ளது.

இவ்வாறு அவர் கூறினார்.