நேற்று முன்தினம் காலை, வீரப்பன் ஆட்டை தேடியபோது அதன் தலை, கால், வயிற்று பகுதிகள் பல இடங்களிலும், கள்ளி செடியின் மேலேயும் கிடந்துள்ளன. ஆட்டை இழுத்து சென்ற விலங்கின் காலடி தடம், புலியின் காலடி தடத்துடன் ஒத்து போவதால், அப்பகுதி மக்கள் பீதியில் உள்ளனர்.

இதையடுத்து, மேட்டூர் வனச்சரக வனகாப்பாளர் ஜீவானந்தம் தலைமையில் வனக்காவலர்கள் பக்கநாடு, ஆடையூர், ஆனைப்பள்ளம் வனப்பகுதிகளில் நேற்று ஆய்வு செய்தனர். பல இடங்களில் கேமரா பொருத்தி, விலங்கு நடமாட்டம் குறித்து கண்காணித்து வருகின்றனர்.