இதுகுறித்து, பால்வளத்துறை அமைச்சர் மனோ தங்கராஜ், ஆவின் நிர்வாக இயக்குனர் வினீத் ஆகியோரிடம், ஆவின் தொழிற்சங்கங்கள் வாயிலாக பலமுறை கோரிக்கை மனுக்கள் வழங்கப்பட்டன.

அதன்பின், ஆவின் பணியாளர்களுக்கு, 4 சதவீத அகவிலைப்படி உயர்வு மட்டுமே வழங்கப்படும் என, ஆவின் நிர்வாக இயக்குனர் அறிவித்தார்; ஆனால், அதுவும் இன்னும் வழங்கப்படவில்லை. இப்படி, இரண்டு ஆண்டுகளில் அறிவிக்கப்பட்ட 8 சதவீத அகவிலைப்படி உயர்வு கிடைக்காமல், ஆவின் ஊழியர்கள் காத்திருக்கின்றனர்.

இதுகுறித்து ஆவின் அதிகாரிகளிடம் கேட்ட போது, 'போதிய நிதி ஆதாரம் இல்லாததால், அகவிலைப்படி உயர்வை வழங்க முடியவில்லை' என்றனர்.