இந்நிலையில், மயிலாடுதுறை தொகுதி காங்., வேட்பாளராக சுதா ராமகிருஷ்ணனை, காங்கிரஸ் பொதுச்செயலர் கே.சி.வேணுகோபால் நேற்று இரவு அறிவித்தார்.

சுதா ராமகிருஷ்ணன், சென்னை ஐகோர்ட் வழக்கறிஞர். மகளிர் காங்கிரஸ் தலைவியாக உள்ளார். கன்னியாகுமரியிலிருந்து காஷ்மீர் வரை இந்திய ஒற்றுமை நடைபயணத்தை ராகுல் மேற்கொண்ட போது, அந்த பாதயாத்திரையில் இறுதி வரை சுதா ராமகிருஷ்ணனும் பங்கேற்றார்.

விளவங்கோடு தொகுதி எம்.எல்.ஏ., விஜயதாரணி, பா.ஜ.,வில் இணைந்ததால், மகளிருக்கு முக்கியத்துவம் அளிக்கும் வகையில், சுதா ராமகிருஷ்ணனுக்கு முன்னுரிமை அளிக்கப்பட்டுள்ளது.