நீலவான நிலவே

நாளை தியாகத்திருநாள்

கணவனை இழந்த நான்

மகனை இராணுவத்துக்கு தத்துக்

கொடுத்து விட்டேன்...

பெருநாளுக்கு வருவதாக சொன்ன

மகன் வரவில்லை... 'எல்லையில்

பிரச்னை துஆ செய்யும்மா'

என்கிறான்.

இப்ராஹிம் இஸ்மாயிலை

இறைவனுக்கு அர்ப்பணிக்கச்

சென்ற நாள் இது.

இப்ராஹிமை கைவிடாத

இறைவன்

இராணுவத்துக்கு மகனை

அனுப்பிய என்னை கைவிட மாட்டான்.

எதிர்காலத்தில் மகனுடன் பல

தியாகத்திருநாட்கள் கொண்டாட

அருள்புரிவான் இறைவன்

இறைவன் மிகப்பெரியவன் நிலவே!

சம்சுல் ஹுதா பானு