இந்நிலையில், முதுமலை மைசூரு தேசிய நெடுஞ்சாலை ஓரங்களில் தற்போது, இளம்பச்சை, மஞ்சள் வண்ணத்திலான பட்டாம் பூச்சிகள் கூட்டம், கூட்டமாக பறந்து செல்கின்றன. இதன் அழகை சுற்றுலா பயணியர் வியப்புடன் ரசித்து செல்கின்றனர்.

ஊட்டியில் உள்ள பட்டாம் பூச்சி ஆர்வலர் டாக்டர் ஜீவித் கூறியதாவது:

தமிழகத்தில், 327 வகையான பட்டாம் பூச்சிகள் உள்ளன. அதில், நீலகிரியில், 320 வகைகள் உள்ளன. பெரும்பாலான பட்டாம்பூச்சிகளை முதுமலை சுற்றுப்புற பகுதிகளில் காண முடியும்.

தற்போது, பருவமழை துவங்கி உள்ள நிலையில், 'காட்டாப்சீல்யா போமோனா' எனப்படும் கொன்னை வெள்ளையன் பட்டாம் பூச்சிகள் கூடுகளில் இருந்து வெளியே வரும். ஈரமண்ணில் உள்ள உப்பு சத்தை உட்கொண்டு, மழை வருவதற்கு முன் அடுத்த பகுதிக்கு இடம் பெயரும்.

இவை இளம்பச்சை நிறத்தில் காணப்படும். இதபோல மற்ற வகை பட்டாம் பூச்சிகளையும் இந்த சீசனில் அதிகளவில் காண முடியும்.

இவ்வாறு அவர் கூறினார்.