தமிழக அரசுத்துறை அலுவலகங்களில், கிராம நிர்வாக அலுவலரான வி.ஏ.ஓ., - இளநிலை உதவியாளர், தட்டச்சர், சுருக்கெழுத்தர், வரி தண்டலர் என, 32 பதவிகளில், 6,244 காலியிடங்களை நிரப்ப, ஜூன் 9ல் குரூப் - 4 தேர்வு நடத்தப்பட உள்ளது.

தமிழ்நாடு அரசு பணியாளர் தேர்வாணையமான, டி.என்.பி.எஸ்.சி.,யின் சார்பில் நடத்தப்படும் இந்த தேர்வுக்கு, 20 லட்சத்துக்கும் மேற்பட்டவர்கள் விண்ணப்பித்து உள்ளனர்.

இந்நிலையில், தேர்வுக்கு விண்ணப்பித்த நபர்களுக்கு தேர்வு மையம் ஒதுக்கப்பட்ட ஹால் டிக்கெட்டை, டி.என்.பி.எஸ்.சி., வெளியிட்டுள்ளது. விண்ணப்பதாரர்கள், http://www.tnpsc.gov.in/ என்ற இணையதளத்தில், ஹால் டிக்கெட்டை பதிவிறக்கலாம்.