மண்டல குழு தலைவி உமாராணி தலைமை வகித்தார். அங்கு சென்ற அருள், 'என்னை ஏன் கூட்டத்துக்கு அழைக்கவில்லை. மக்கள் பிரச்னையை பேச நான் வரக்கூடாதா?' என்றார்.

இதற்கு உமாராணி கேள்வி எழுப்ப, இருவருக்கும் வாக்குவாதம் ஏற்பட்டது. இதனால் கூட்டத்தின் நடுவில் அமர்ந்து அருள் தர்ணாவில் ஈடுபட்டார்.

எழுந்து செல்ல அறிவுறுத்திய நிலையில் அவர் மறுக்கவே, உமாராணி உள்ளிட்ட தி.மு.க.,வினரும் அமர்ந்தனர். இதனால் சலசலப்பு ஏற்பட்டது.

பின் கூட்டத்தில் பங்கேற்றதற்கு அடையாளமாக, 'மினிட் நோட்'டில் அருள் கையெழுத்திட்டு சென்றார். சிறிது நேரத்தில் உமாராணி உள்ளிட்ட அனைவரும் எழுந்து செல்ல, கூட்டமும் முடிந்தது.