இது தொடர்பாக, அரசுக்கு கருத்துரு அனுப்பப்பட்டுள்ளது. புதிய கல்லுாரிகளில் மாற்றுப் பணியில் உள்ள ஆசிரியர்களை, அவர்கள் ஏற்கனவே பணியாற்றிய கல்லுாரிகளுக்கு அனுப்ப உரிய நடவடிக்கை எடுக்கப்படும்' என்று தெரிவித்துள்ளார்.

----

மலேஷியாவில் பணிபுரிய, மாதம் 50,000 சம்பளத்தில் கட்டுமான பணியாளர்கள், 28,000 சம்பளத்தில் உதவியாளர்கள், 40,000 சம்பளத்தில் வெல்டர்கள் தேவைப்படுகின்றனர்.

இதற்கு விருப்பம் உள்ளவர்கள் ஜூலை 26க்குள் பதிவு செய்யலாம் என, அறிவிக்கப்பட்டு இருந்தது. தற்போது, ஆகஸ்ட் 3க்குள், ovemclnm@gmail.com என்ற 'இ - மெயில்' முகவரிக்கு அனுப்பலாம் என, அயல்நாட்டு வேலைவாய்ப்பு நிறுவனம் அறிவித்துள்ளது.

_____________

'கூட்டுறவு வங்கிகளில், பெண்கள் சுய தொழில் செய்து முன்னேற, ஒரு சுய உதவிக்குழுவுக்கு அதிகபட்சம், 20 லட்சம் ரூபாய் வரை கடன் வழங்கப்படுகிறது.

'இந்த உச்சவரம்பு தற்போது, 30 லட்சம் ரூபாயாக உயர்த்தப்படுகிறது; தகுதியான குழுக்களுக்கு அதிக கடன் வழங்க வேண்டும்' என, வங்கி அதிகாரிகளுக்கு, கூட்டுறவு சங்கங்களின் பதிவாளர் சுப்பையன் உத்தரவிட்டுள்ளார்.

_____________

கடந்த மார்ச்சில் நடந்த பிளஸ் 1 துணைத்தேர்வில், சில பாடங்களில் தேர்ச்சி பெறாதவர்களுக்கு, ஜூன், ஜூலையில் சிறப்பு துணைத்தேர்வு நடந்தது.

அதன் முடிவுகள், இன்று பிற்பகல், 2:00 மணிக்கு மேல், www.dge.tn.gov.in/ என்ற இணையதளத்தில் வெளியிடப்பட உள்ளன.