தமிழக வருவாய்த் துறை அமைச்சர் சாத்துார் ராமச்சந்திரன், 75, தொடர்ந்து பல்வேறு நிகழ்ச்சிகளில் பங்கேற்று வருகிறார். வயது மூப்பின் காரணமாக எற்படும் உடல் உபாதைகளுக்கு, அவ்வப்போது சிகிச்சை பெற்று வந்தார். இந்நிலையில், நேற்று முன்தினம் இரவு, அவருக்கு திடீரென உடல்நிலை பாதிக்கப்பட்டது.

உடனடியாக, சென்னை ஆயிரம் விளக்கு பகுதியில் உள்ள, அப்பல்லோ மருத்துவமனையில் அனுமதிக்கப்பட்டார். அவருக்கு, இதயம் தொடர்பான பாதிப்புக்கு, சிகிச்சை அளிக்கப்பட்டதாக, தகவல் வெளியானது. மருத்துவமனையின் தொடர் மருத்துவ கண்காணிப்பில் உள்ள அவர், தற்போது நலமுடன் உள்ளார்.